Standard (EADGBE)
Manchmoi wann i aufwach, dann buid i ma ei,
dass s endlich passiert is, jo ois is vorbei,
dass die Woed nimma steht und dass koana mehr lebt,
dass kan Vogel, kan Kaefer, kan Grashalm mehr gibt.
Manchmoi wann i aufwach, dann buid i ma ei,
dass si koana mehr wehrt, es muass jo net sei,
dass koana mehr aufsteht, bloss ergeben und starr,
und i a so bin wia mei Voda moi woa.
Jo und manchmoi wann i aufwach, dann buid i ma ei,
dass i arbeit und buckel, net froh bin und frei,
mi mit 65 hinleg und wart, bis i stirb,
und meine Kinder bloss wissen wolln, was s amoi kriagn.
Manchmoi wann i aufwach, dann buid i ma ei,
dass i ois, wos ma gsogt wird, glei glaub und net schrei,
dass i im Erdinger Moss drausst an Flughafen bau
und jeden Tag mehr unser Landschaft versau.
Manchmoi wann i aufwach, dann buid i ma ei,
obwohl i nix her, her i trotzdem wen schrein,
und obwohl i nix riach, riach i trotzdem den Gstank,
von Menschen die s umbracht ham in unsern Land.
Jo und manchmoi wann i aufwach, dann buid i ma ei,
dass i mit alle andern "Kanaken raus" schrei,
dass die Leut, die ma 20 Jahr mein Dreck weggramt ham
auf amoi nur mehr Abschaum und Luft fuer mi san.
Manchmoi wann i aufwach, dann buid i ma ei,
dass i mit meine Kinder net redt sondern schrei,
dass i erna nur lern, wia ma sche duat und kriacht,
bis mei Bua seine Kinder ganz genauso erziagt.
Jo und manchmoi wann i aufwach, dann wuensch i ma so,
dass ma jemand die Angst nimmt, die Angst vor dem Tag,
dass ma irgendwer sagt, dass des alles net stimmt,
was i jeden Tag wieder mit eigne Augn siech.